INFO ON APPLICATION

CRITERIONAN DI PETICION PA COFINANCIAMENTO

 

Subsidio UNOCA  | Criteria peticion cofinanciamento:

 

E meta mas importante di UNOCA ta pa stimula tereno cultural pa medio di subsidio den forma di cofinanciamento. UNOCA ta duna subsidio (cofinanciamento) primordialmente na sector particular y sector no gubernamental na Aruba. UNOCA Ta guia tur peticionario durante di proceso di peticion como organisacion ta sostene tambe e peticionario continuamente cu e pasonan necesario pa e proceso di subsidio. Proactividad den sentido di e concepto ‘empresario cultural’ ta un aspecto esencial den stimula e tereno cultural. Actornan den tereno cultural lo wordo stimula y motiva pa explora formanan innovativo pa genera fondo pa asina por keda produci arte. Esaki por tuma luga pa medio di un maneho financiero sano y colaboracion strategico cu sector priva. UNOCA ta traha cu Pais Aruba pa engrandece arte y cultura na Aruba.


UNOCA su metanan strategico ta:

  1. Democratisacion di Cultura: engrandece participacion y accesibilidad.
  2. Hiba un maneho cultural duradero cu ta consisti di entre otro formacion, educacion y elevacion di e nivel e producto cultural.
  3. Stimula desaroyo di arte y cultura: percura pa desaroyo di e diferente terenonan cu e maneho di UNOCA ta abarca. (tangibel y intangibel).

 

UNOCA ta habri pa tur peticion cu ta cay bou di e siguiente sectornan (basa riba ‘UNESCO 2009: Framework for Cultural Statistics’):

  • Arte di tarima, teatro
  • Herencia cultural
  • Literatura, idioma
  • Expresion audiovisual (film, video, new media, documentario etc.)
  • Arte visual (pintura, ceramica etc.)
  • Documentacion
  • Folklore
  • Musica
  • Diseño (moda, grafico, etc.)

Den e proceso di aprobacion e directiva di UNOCA ta wordo guia door di:

  1. criterionan general;
  2. criterionan specifico;
  3. criterionan pa e suma di cofinanciamento.

 

(i) Criterionan general:

 

Peticion por wordo haci door di:

  • Personanan huridico cu ta traha y ta activo den e sectornan di enfoke di UNOCA, segun e organisacion su statutonan;
  • Organisacionnan no-gubernamental;
  • Persona priva, di 18 aña bay ariba, naci y biba na Aruba of cu por demonstra cu ta bibando na Aruba pa mas cu tres aña consecutivo. E persona mester por demostra cu e ta traha den e sector di trabou di UNOCA.

 

  • Peticion cu NO ta ta bin na remarca pa cofinanciamento:

    • Gobierno of organisacionnan gubernamental.
    • Instancianan cu ta recauda fondo pa un tercer partido of pa proyectonan di un tercer partido (por ehempel un oficina di recaudacion di fondo);
    • Directiva, director(a) y personal di UNOCA.

 

 

(ii) Criterionan specifico: (no tur criterio ta aplicabel pa cierto proyecto)

 

  • Proyectonan concreto cu ta cay bou di e cobertura di e tres metanan strategico;
  • Proyectonan concreto di cual por demostra e balor agrega, urgencia of necesidad;
  • Proyectonan concreto y actividadnan cu UNOCA ta husga como di calidad halto y cu contenido di balor pa  comunidad;
  • Proyectonan cu ta dirigi na un publico amplio (participacion);
  • Proyectonan cu tin un efecto duradero pa comunidad;
  • Proyectonan multi-disciplinario;
  • Proyectonan cu metanan aplicabel y cu ta dirigi pa maneho di recursonan financiero y nofinanciero y recurso humano;
  • Proyectonan cu metanan alcansabel y cu por midi;
  • Proyectonan cu structura y maneho financiero sano y demonstrabel;
  • Proyectonan cu un caracter educativo (traspaso di conocemento);
  • Proyectonan cu ta fortifica identidad cultural;
  • Proyectonan cu ta promove Papiamento como idioma;
  • Proyectonan cu ta persigui desaroyo di talento demonstrabel;
  • Proyectonan di relevancia pa comunidad.  

                                                                                                                                                                                                                                                                                                                                                                                                                                                       

Proyectonan cu NO ta cualifica pa cofinanciamento:

  • Proyectonan di organisacionnan cu ta wordo subsidia structuralmente door di gobierno, cu excepcion di proyectonan cu un balor agrega excepcional pa desaroyo di arte y cultura;
  • Acumulacion di recurso of placa di premio pa entrega un premio na un tercer partido;
  • Proyectonan cu ta ser organisa anualmente y cu a wordo cofinancia tres biaha pa UNOCA (retroactivamente), cu excepcion den caso cu ta pidi financiamento pa un parti excepcional di e proyecto;
  • Proyectonan cu ta den ehecutacion of cu a keda ehecuta caba na momento cu a entrega of a cuminsa procesa e peticion;
  • Proyectonan cu caracter politico of di cual nan meta ta pa propaganda conviccion religioso;
  • Proyectonan cu ta den cuadro di enseñansa (studie, bijscholing en nascholing) na Aruba of den exterior, di cual no por demostra di tin balor agrega na e desaroyo di arte y cultura di Aruba;
  • Presentacion di un artista Arubiano den exterior, di cual no por demostra di tin balor agrega na e desaroyo di arte y cultura di Aruba;
  • Gastonan operacional (por ehempel telefon, ink pa computer, papel, gastonan di gasolin, etc);
  • Gastonan di cuminda y bebida cu excepcion di e prome exposicion of presentacion di un proyecto cofinancia door di UNOCA;
  • Material duradero (camera pa video of pa fotografia, laptop, computer, Ipad, printer, ekipo di zonido etc.);
  • Salario, honorarium of cualkier otro tipo di entrada di/pa e peticionario (artista);
  • Gastonan presupuesta como “imprevisto”.

 

 

(iii) Criterionan pa e suma di cofinanciamento:

 

Aprobacion di suma di subsidio pa personanan priva:

  • Personanan priva por bin na remarca pa cofinanciamento bou di e siguiente condicionan:
    • Mester tin 18 aña bay ariba,
    • Mester ta naci y biba na Aruba, of mester por comproba di ta bibando na Aruba pa mas cu tres aña consecutivo (por medio di un papel di AWG. 5,- di Censo)
    • E persona en cuestion por bin na remarca un maximo di dos (2) biaha pa aña;
    • E persona en cuestion ta bay di acuerdo cu un contribucion propio di 10% di e presupuesto financiero di e proyecto na e momento cu ta entrega e peticion pa cofinanciemento. UNOCA ta cofinancia maximo 90% di e presupuesto di e peticion. Den caso cu e peticionario haya un aprobacion pa cofinanciamento, e peticionario mester entrega prueba di e contribucion propio pa por ricibi e suma cofinancia pa UNOCA.

 

Aprobacion di suma di subsidio pa personanan huridicio y organisacionan no-gubernamental:

  • Personanan huridico cu of sin fin di lucro por entrega peticion pa cofinanciamento bou di e siguiente condicionan:
  • E peticion mester ta pa un suma ariba di AWG. 5.000,- pa e proyecto;
  • E personanan huridico cu of sin fin di lucro por entrega peticion pa cofinanciamento maximo dos (2) biaha pa aña;
  • E personanan huridico cu of sin fin di lucro ta bay di acuerdo cu un contribucion propio di 30% di e presupuesto financiero di e proyecto na e momento cu ta entrega e peticion pa cofinanciamento. UNOCA ta cofinancia maximo 70% di e presupuesto di e peticion. Despues cu e peticionario haya un aprobacion pa cofinanciamento, e peticionario mester entrega prueba di e contribucion propio pa por ricibi e suma cofinancia pa UNOCA.

 

Aprobacion di suma di subsidio pa proyectonan grandi:

  • Cada 2 aña organisacionnan nogubernamental por bin na remarca pa entrega un peticion basa riba e temanan scogi door di UNOCA;  
  • E temanan ta alinia cu e prioridadnan y metanan di e maneho cultural di UNOCA y Pais Aruba;
  • Personanan huridico cu of sin fin di lucro por entrega un peticion pa un suma maximo di cu lo wordo anuncia adelanta door di UNOCA pa cada proyecto;
  • Personanan huridico cu of sin fin di lucro por entrega un peticion maximo un (1) biaha pa aña;
  • Personanan huridico sin fin di lucro (fundacion of asociacion) cu ta desea di entrega un peticion mester demostra un presupuesto cu contribucion propio di 25%. UNOCA ta cofinancia maximo 75% di e presupuesto di e peticion (UNOCA lo anuncia adelanta e suma maximo di cu lo ta ta igual na e 75%) Despues cu e peticionario haya un aprobacion pa cofinanciamento, e peticionario mester entrega prueba di e contribucion propio pa por ricibi e suma cofinancia pa UNOCA;
  • Den e lunanan di juni y november di aña 2018 lo anuncia e dos temanan di proyecto;
  • Representantenan di e personanan huridico cu of sin fin di lucro mester entrega e peticion por escrito segun e procedura di proyectonan grandi y cu un ‘pitch’; un presentacion na representantenan di UNOCA y/of un hunta di hurado;
  • E proyectonan grandi (di dos (2) biaha pa aña) ta ser presenta den un competencia pa gana UNOCA su premio di arte y cultura. Un premio ganador y un segundo premio lo keda otorga.

 

Nota general:

E directiva di UNOCA ta reserva e derecho pa trata proyectonan na su discrecion na tur momento cual ta inclui cu e directiva di UNOCA por hasi un excepcion si den su parecer resulta cu esaki ta necesario den bienestar di e desaroyo di arte y cultura ariba nos isla.