PROYECTONAN COFINANCIA DEN 2016
Den 2016 UNOCA a cofinancia 57 proyecto cu a wordo ehecuta den diferente districto di nos isla. Como parti di e proyectonan aproba a ofrece 29 workshops habri pa comunidad den diferente plataforma artistico manera teatro, baile, diseño grafico, poesia, musica, moda, arte visual y historia di arte tanto pa mucha, hoben y adulto. Esaki cu e mision di crea participacion activo den arte y cultura di henter e comunidad di ARUBA. Den 2016 UNOCA a duna 3 artista local e oportunidad pa sigui curso den exterior pa forma nan talento den e area di arte performativo, musica y instalacionan di arte, como tambe teatro y arte manual, enfocando riba educacion di nos artistanan local y elevacion di e nivel y producto cultural di Aruba. Proyectonan cofinancia a genera 44 evento incluyendo presentacionan, festivalnan, shows y exposicionan cultural y artisico unda nos comunidad a haya e oportunidad di mustra nan talento y expresa nan mes artisticamente. Pa mas informacion di e proyectonan aki por yama libremente na oficina di UNOCA. Adicional na proyectonan cofinancia, UNOCA a tuma e iniciativa pa organisa un workshop empresarial yama Creando un Futuro Creativo, unda profesionalnan den diferente ramo a comparti informacion valioso cu empresarionan cultural.
RESUMEN 2016
x
CONTACT NOS
KEN NOS TA
NOTICIA
FONDO CULTURAL
INSPIRACION
SCOL DI ARTE & GALERIA
NOTICIA
INFORMACION IMPORTANTE
Den 2016 a introduci criterionan nobo pa aplicacion pa co-financiamento di proyectonan cu ta aporta na desaroyo cultural di nos isla. Esaki lo crea mas transparencia den con nos organisacion ta funciona. LESA MAS
FONDO CULTURAL
UNOCA ta stimula cultura di Aruba door di respalda iniciativanan innovativo cu ta desaroya talento cultural y crea partcipacion activo den cultura na Aruba. Creando un puente entre cultura y sociedad. LESA MAS
INSPIRACION
Wordo inspira door di e creatividad di nos talento cultural. Bishita nos facebook page www.facebook.com/unoca.aruba y wordo informa di eventonan cultural cerca di bo y conoce nos artistanan local.
SCOL DI ARTE & GALERIA
E unico centro cultural den San Nicolas. Construi na 1973 pero cu a cera na 1998. Considerando su necesidad pa desaroyo cultural, social y educativo, specialmente di San Nicolas y bicindario, UNOCA a tuma e responsabilidad riba dje pa traha na su restauracion. LESA MAS
EVENT HIGHLIGHT
KORTEWEG
LOCAL ARTIST
HIGHLIGHT
SCOL DI ARTE
ARTE ACTIVO KIDS CAMP
SCOL DI ARTE
ARTE ACTIVO KIDS CAMP
MAS NOTICIA
KEN NOS TA
Desde 1986 fundacion UNOCA ta eherce e tarea di maneha e fondo cultural di Aruba. Un responsabilidad grandi cu pa añanan gobierno y comunidad Arubano a confia den man di UNOCA. Banda di e confiansa aki comunidad a cuminsa mira UNOCA tambe como e centro di servicio “cultural educativo” cu ta yuda na alivia trabounan/gastonan relaciona cu proyectonan/tareanan cultural educativo.
VISION
“Desaroya talento den tur disciplina di arte y cultura, haci arte y cultura di Aruba accesibel na publico en general y stimula variacion, innovacion y renovacion ”.
MISSION
“UNOCA ta un fondo cu ta para pa participacion di arte y cultura na Aruba den un sentido mas amplio posibel y ta inspira desaroyo di arte y cultura pa medio di cofinancia proyectonan”.
UNOCA a traha riba su mision pa medio di e siguiente balornan importante
- Profesionalismo
- Responsabilidad
- Enfoke riba cliente
- Transparencia
UNOCA su metanan strategico ta
1. Democratisacion di Cultura: engrandece
participacion y accesibilidad.
2. Hiba un maneho cultural duradero cu ta consisti di
entre otro formacion, educacion y elevacion di e
nivel e producto cultural.
3. Stimula desaroyo di infrastructura cultural: percura
pa desaroyo di e diferente terenonan cu e maneho
di UNOCA ta abarca. (tangibel y intangibel)
UNOCA ta traha riba e siguiente sectornan (basa riba ‘UNESCO 2009: Framework for Cultural Statistics’)
REGISTRA NA NOS Newsletter
- Arte di tarima, teatro
- Herencia cultural
- Literatura, idioma
- Expresion audiovisual (film, video, new media, documentario etc.)
- Arte visual
- Infrastructura cultural
- Documentacion
- Folklore
- Musica
- Diseño (moda, grafico, etc.)
HISTORIA
Durante 1985, despues di basta aña di varios acontecimento historico desde 1976, a cuminsa e preparacionnan pa lanta un fundacion pa atende e fondonan di ayudo cultural Hulandes pa Aruba. Fundacion Centro Cultural Arubano (CCA) a fungi como secretariado pa e trabounan aki.
Na september 1985 Bestuurscollege a bay di acuerdo cu e concepto di e statutonan presenta. Na januari 1986 a scoge e directiva cu a haya e encargo pa formalisa lantamento di e fundacion. Na maart 1986 a scoge e nomber Union di Organisacionnan Cultural Arubano (UNOCA) pa e fundacion.
Dia 6 di juni 1986 a firma dilanti notario e acta oficial di fundacion UNOCA. E hecho aki tabata culminacion di un proceso durante un decada pa Aruba asumi responsabilidad propio pa maneha fondonan Hulandes pa ayudo y cooperacion di desaroyo cultural.
Tuma for di e buki di UNOCA “Binti y pico aña di plantacion cultural”
Pa mas informacion di e historia y trabounan di UNOCA, ta referi na e buki di UNOCA “Binti y pico aña plantacion cultural” di autor Pancho Geerman. E buki aki ta obtenibel na UNOCA.
FONDO CULTURAL
CON BO POR HACI UN PETICION?
- Lesa e criterionan DOWNLOAD
- Lesa akibou con UNOCA ta trata bo peticion y
- Download e condicionan general. DOWNLOAD
- Download formulario di peticion DOWNLOAD
- Repasa ‘checklist’ DOWNLOAD
- Entrega peticion: Tene cuenta cu fechanan fiho pa entrega bo peticion. DOWNLOAD
*UNOCA ta informa cu ta trata solamente peticionnan completo
Pa proyecto cu tema specifico e mesun pasonan (1 te cu 6) ta aplicabel
CON UNOCA TA TRATA BO PETICION?
UNOCA ta ricibi peticion
Oficina di UNOCA ta evalua si peticion ta completo
a. E peticion ta completo y lo wordo trata*
b. E peticion no ta completo y UNOCA lo solicita documento cu falta
Despues di trata e proyecto UNOCA lo informa peticionario di decision por escrito.** Please tene cuenta cu e fechanan fiho unda lo trata peticion den 2016.
*Tur peticion mester ta completo pa por wordo trata.
**Tur decision final ta keda na discrecion di UNOCA y e peticionario no por
eherce ningun derecho.
UNOCA ta stimula cultura di Aruba door di respalda iniciativanan innovativo cu ta desaroya talento cultural y crea partcipacion activo den cultura na Aruba. Creando un puente entre cultura y sociedad.
1986 ta establece fundacion UNOCA
SCOL DI ARTE & GALERIA
STORIA
SIÑA
PINTA
BAILA
MOVE
CREA
HISTORIA
E unico centro cultural den San Nicolas. Construi na 1973 pero cu a cera na 1998. Considerando su necesidad pa desaroyo cultural, social y educativo, specialmente di San Nicolas y becindario, UNOCA a tuma e responsabilidad riba dje pa traha na su restauracion.
Despues di diez aña, esta maart 2008 su re-apertura a tuma lugar dor di Su Excelencia Gobernador F.J. Refunjol.
A ricibi hopi reaccion positivo y por segura cu e edificio aki ta contribuyendo grandemente na e bida cultural di San Nicolas y becindario. Tur dia e ta conta cu bon asistencia na lesnan/tayernan. E demanda pa uzo ta sigui crece surpasando e meta, capacidad di personal (2) y espacio cu tin disponibel pa ofrece servicio.
Scol di Arte ta brinda oportunidad pa huur diferente sala y pa cumpra buki di autornan Arubiano, publica cu ayudo financiero di UNOCA
Orario
Dialuna pa diabierna
8am pa 9pm
Contacto
Sonia Goeloe
Medewerker Event Planning
& Coordination
Tel. +297 5849168
Fax +297 5849148
Pastoor Hendrikstraat 103
San Nicolas
Sala - Espacio huur
Ora drenta Scol di Arte tin seis mas, di diferente grandura, cu por huur pa tene p.e. workshops, les di baile, concierto, haci presentacion y hopi mas posibilidad. Tur tin airco. E sala grandi cu e vloer di palo tin un podium, cu ta haci’e sumamante atractivo pa entre otro practica teatro, baile, haci presentacion y pa concierto. Alabes tin “kleedkamers” disponibel.
Tambe tin un cura espacioso, dilanti y na banda robes, cu bankinan pa sinta, cu por huur pa tene varios actividad manera concierto. Muy pronto e lo dispone tambe, cu yudansa financiero di Valero, di un bunita gazebo.
Bo persona ta keda cordialmente invita pa pasa bishita Scol di Arte, experiencia e ambiente dushi di Scol di Arte y comproba pa bo mes tur e posibilidadnan cu Scol di Arte ta brinda.