CALENDARIO CULTURAL

 
 
 

EVENTO DEN SPOTLIGHT

 
 
 
 
 
 

Bon Bini na Website di Unoca

UNOCA, desde 1986, ta un fundacion, cu tin como meta  pa stimula  desaroyo cultural di Aruba.

UNOCA ta extende un cordial invitacion na henter comunidad di Aruba, specialmente esnan interesa den arte y cultura di Aruba, pa bishita su sala di exposicion. Tin dos coleccion, esta “Coleccion STICUSA” (1950-1989) cu obranan colecta pa e fundacion Hulandes STICUSA y “Coleccion UNOCA” (1986-awor) cu obranan colecta pa UNOCA mes.

Metanan principal pa cu e sala di exposicion ta pa salvaguardia y conserva nos herencia cultural y haci’e accesibel pa henter comunidad di Aruba como tambe pa nos bishitantenan na nos isla. Teniendo na cuenta e balor historico y cultural di e exposicion aki y su accesibilidad pa tur hende, ta spera cu lo logra contribui na concientisa mas y mas hende ariba e importancia di cultura pa Aruba y e rol importante cu nos artistanan local ta hunga den henter e desaroyo cultural di Aruba. UNOCA ta spera cu mas hende, principalmente hobennan wordo inspira y cu nan creatividad artistico por sigui florece.

Na UNOCA y Scol di Arte, desde 2008 un parti di UNOCA, tin un amplio surtido di buki di escritoranan Arubano na Papiamento, Ingles y Hulandes pa mucha, hoben y adulto, na benta. Alavez tin obtenibel CD y DVD. Tur ta produci cu financiamento di UNOCA. Na UNOCA y  na Scol di Arte tin diferente espacio cu por huur.

Bo ta Bon Bini na UNOCA y Scol di Arte

ULTIMO POTRET

 

POTRET CRIOYO

 

ULTIMO FILM

 

 
© 2014 UNOCA. All Rights Reserved